Í dag er Petur Larsen á odda sum veitari av maskinum og tænastum til fiskivinnuna, vit veita til marknaðir kring knøttin.
Í 1971 stovnaði Petur Larsen fyritøkuna aftaná hann hevði arbeitt við BAADER maskinum í fleiri ár í Grønlandi. Tá hann vendi aftur til Fuglafjørður, heimbygd sína, gjørdi hann sum sannir íverksetar gera og byrjaði eitt verkstað í kjallaranum hjá sær.

Av tí at góðskan av arbeiðinum hjá Peturi Larsen var so mikið góð, bleiv hann skjótt nógv umtóktur og var noyddur at flyta í størri hølir í 1990. Framgongdin helt áfram og í 2002 flutti Petur Larsen í nýggj, stór hølir á havnaøkinum í Fuglafirði, og heldur til har enn í dag.
Aftaná eina langa og væleydnaða yrkisleið, gav Petur Larsen fyritøku sína víðari til sínar tveir synir – Atli og Rógvi – ið tóku yvir í juni 2007. Teir hava røkt arvin og menningina av Petur Larsen og enn í dag er tað týdningarmesta av veita best møguliga góðsku til kundarnar.

Okkara mál eru tey somu sum tá fyritøkun bleiv sett á stovn í 1971. Vit vilja at okkara kundar klára seg betri.