Petur Larsen er leiðandi veitari av maskinum og tænastum til fiskivinnu ídnaðin. Okkara marknaður er allur heimurin.

Fyritøkan varð stovna í 1971, aftaná Petur Larsen kom aftur til Føroyar. Hann hevði tá arbeitt í Føroyingahavnini í Grønlandi í fleiri ár; fyri tað mesta sum maskinmaður, har hann hevði fingist serliga nógv við BAADER maskinur.

Fyritøkan byrjaði í kjallarunum í heiminum hjá Annu og Petur Larsen, og hóast hølisviðurskiftini ikki vóru tey bestu, so kundi ikki setast fingurin á góða tænastuna og dygdar-handverkið Petur Larsen veitti. Arbeiðsuppgávurnar blivu so líðandi so nógvar, at Petur Larsen í 1990 flutti í størri hølir. Vøksturin steðgaði ikki her, og í 2002 flutti Petur Larsen inn í ein nýggjan virkisbygning, ið hann hevði lati bygt í Fuglafirði.

Í 2007 keyptu synirnir Atli Larsen og Rógvi Róin fyritøkuna, ið teir báðir enn reka. Fyritøkan er nógv vaksin, og í dag røkkur hon útum landoddarnar við tænastum og vørum til fiskivinnuna runt allan heimin.

Hóast nógv er broytt síðan 1971, tá Petur Larsen byrjaði virksemi í kjallarunum, so er endamálið við fyritøkuni enn tað sama. Vit vilja, at okkara kundar skulu klára seg betri.